4. Wie is God?

God is Drie-enig: Vader, Seun en Heilige Gees, drie afsonderlike Persone, maar een God. Ons bou verhouding met al drie hierdie Persone omdat elkeen noodsaaklik is vir ons verlossing en welwese.

5. Lidmaatskap

Enige persoon is welkom om by Vredelust Gemeente te aanbid. Om deel van die kerk van Jesus te word, moet hy bely word as jou Verlosser – elke mens word gered deur genade alleen sonder enige verdienste (vgl 2 Kor 10:17).

6. Doop

Ons doop kinders op grond van die Christelike tradisie soos deur eeue-lange gebruik in die Christelike kerk. Ouers wat glo dat die belydenisdoop die regte manier is, soos dit in die Nuwe Testament na vore kom, gebruik egter die toewyding van ‘n baba as manier om kinders onder God se seëning te plaas.

7. Die Huwelik

Die mens is as man en vrou geskep en die Christelike huwelik is deur God ingestel as die manier hoe ‘n liefdesverhouding permanent gemaak word. Selfdegeslag-huwelike word dus nie as Bybels gesien nie, alhoewel die burgerlike reg en gebruik daarvan erken word.